大和牛石燒專門店 (已結業)

今晚同我食肉獸朋友嚟到九龍灣，因為聽講呢度有一間食石板燒好正嘅，所以就來試吓。餐廳環境都幾企理整齊，侍應生都好年輕，非常友善，而且有禮貌及用心地介紹佢哋出名嘅食材，初步印象非常之好。餐牌有好多來自唔同國家嘅肉類，主力梗係食牛肉，同時都有雞肉及豬肉。另外餐廳都有做漢堡包，種類都有好多，有雙層甚至三層芝士，亦都有好Hit嘅大啡菇漢堡。澳洲M6和牛小排喺熱辣辣嘅石板上燒，牛嘅香味四溢，非常吸引，由於石版非常之熱，所以好快牛小排就熟，如果唔鍾意太熟嘅人，真係要好留意咁樣煎。牛嘅金香味好濃，肉質又滑，真係好好味。配上餐廳嘅醬汁了，味道更加突出。日本A5和牛肉眼蓋呢個係切博片嘅黃牛，所以更加快熟，一見到轉色就可以夾起食，真係好正又好味，日本和牛的確不同凡響。