尚上下夏 - 養生雞煲火鍋 (已結業)

正評以外的食評。認真想俾未試過嘅朋友多一個方向參考一下...之前睇左好多本店的食評，話"高質","最好"...好多好多正評，又見個名叫"養生"咁就去試下啦。(我本來都幾大期望嫁...)雞同湯係分開兩個item黎嘅，即係分開計錢。雞煲可以話惹味嘅，但如果用荃灣x品去代表雞煲標準的話，依度就真係麻麻地啦。火鍋餸點左肥牛，帶子，四寶丸，鬼馬墨魚，(真)即炸響令.... 牛睇落係幾靚嘅，但無乜牛味，帶子係ok的(算係最好食嘅餸)，整體質素一般，價錢偏貴。飲品方面試左竹䉀茅根，叫左3次有1次變左質，好彩佢都有換俾我地。順帶一提，要收茶錢的。埋單每人三百幾，幾貴(啲個價錢可以有更好選擇)，埋單有問卷填，希望之後有改善。