影片
更多
2018-01-16
286 浏览
難得今晚全家人都得閒，爸爸就提議出街食飯。因為媽咪無食過泰國野，所以我地就決定係旺角搵間就近嘅泰國菜館食番餐好嘅。係先達廣場往通菜街方向行2分鐘左右，就見到一間叫「阿來」嘅食泰式料理。「阿來」「阿來」……好似叫我地來咁。於是，我地一家就行左入間食肆度。行入去，侍應面露笑容，帶我地上去2樓一張大檯坐低。雖然只係傍晚7點左右，但2樓已經高朋滿座，唔少人都係一家大細黎食飯，非常溫馨……唔講唔知，原來呢間野幾出名，重畀唔少報紙採訪過。呢張就係其中一個報導喇！未睇餐牌前，我地已經係牆身見到唔少佳餚嘅「倩影」。爸媽望左望水牌，心有靈犀咁話要食金邊粉，同埋菠蘿炒飯。好——就鎖定呢兩道菜！！再埋睇餐牌，我地就決定加多個炒芥蘭配馬拉盞。野飲方面，我地就叫左個椰汁三色冰。泰式炒金邊粉 $58呢道菜真係值得一讚! 我地食得出，金邊粉並無加入過多油粉; 而雞蛋 、芽菜 、紅辣椒碎都同金邊粉炒得非常均勻。我地食左兩，三啖，就將成碟金邊粉食哂啦！炒芥蘭 * 馬拉盞 $68雖然我地平日好少出街食蔬菜 (因為我地都係食肉獸)，但今次見到睇落好新鮮嘅芥蘭，就忍唔住叫番碟。青綠嘅芥蘭非常爽口，配上馬拉盞醬之後，更加嘗到
係先達廣場往通菜街方向行2分鐘左右，就見到一間叫「阿來」嘅食泰式料理。
「阿來」「阿來」……好似叫我地來咁。於是，我地一家就行左入間食肆度。
行入去，侍應面露笑容，帶我地上去2樓一張大檯坐低。
雖然只係傍晚7點左右，但2樓已經高朋滿座，唔少人都係一家大細黎食飯，非常溫馨……
唔講唔知，原來呢間野幾出名，重畀唔少報紙採訪過。呢張就係其中一個報導喇！
未睇餐牌前，我地已經係牆身見到唔少佳餚嘅「倩影」。
爸媽望左望水牌，心有靈犀咁話要食金邊粉，同埋菠蘿炒飯。
好——就鎖定呢兩道菜！！
再埋睇餐牌，我地就決定加多個炒芥蘭配馬拉盞。野飲方面，我地就叫左個椰汁三色冰。
泰式炒金邊粉
$58
10 浏览
0 赞好
0 留言
泰式炒金邊粉 $58
呢道菜真係值得一讚! 我地食得出，金邊粉並無加入過多油粉; 而雞蛋 、芽菜 、紅辣椒碎都同金邊粉炒得非常均勻。
我地食左兩，三啖，就將成碟金邊粉食哂啦！
炒芥蘭*馬拉盞
$68
10 浏览
0 赞好
0 留言
炒芥蘭 * 馬拉盞 $68
雖然我地平日好少出街食蔬菜 (因為我地都係食肉獸)，但今次見到睇落好新鮮嘅芥蘭，就忍唔住叫番碟。
青綠嘅芥蘭非常爽口，配上馬拉盞醬之後，更加嘗到一股泰式風味。
菠蘿炒飯
$58
14 浏览
0 赞好
0 留言
菠蘿炒飯 $58
原本平平無奇嘅炒飯，係菠蘿粒嘅襯托下，竟然多添一分色彩。酸酸甜甜嘅菠蘿肉，令我地愈食愈開胃。
如果個炒飯可以用菠蘿殼盛載出場，就一定更加美觀可人啦！
椰汁三色冰
$22
14 浏览
0 赞好
0 留言
椰汁三色冰 $22
叫左咁多道菜，點都應該order番杯野飲喇！其實我地決定試呢杯野，係因為媽咪見「椰汁三色冰」個名幾得意，先提出一試啊！
杯野一上檯，我已經忍唔住搶先呷一啖。
椰奶香濃，加埋唔少彈牙嘅椰果，我覺得飲落去有一股淡淡嘅幸福，好呀！
好期待下次可以再同屋企人一齊出街食飯啊！
张贴
