我哋兩個人星期六一點半左右去到，門口已經有牌寫住要等半個鐘，最後等咗25分鐘就入到去。
佢同銅鑼灣嘅做法唔一樣，呢度係喺自助售賣機度俾錢，然後再有一條長廊排隊，我諗大概都要等二十幾個人。
一坐低就揀返自己想要嘅麵質、濃度等口味，我自己就揀咗走蔥同埋½辣。之前覺得食一蘭冇乜特別，後來有個朋友提議加辣，真係好上癮，所以我覺得要加少少落去食一蘭嘅重點😋😋
如果加麵嘅話，係張紙填好咗之後，店員會比一個夾夾係枱面，食完原本嗰碗之後就可以叫店員比麵，我諗呢個做法可以阻止啲麵浸到林晒。
今時今日黎講，我諗一蘭都唔算係拉麵既唯一選擇，叫做正常發揮，如果唔使排隊都可以得閒去食下。
