Chop Chop 食神叉燒 (新城市廣場) (已結業)

今日落左沙田食lunch，行左陣新城市廣場，見到呢間Chop Chop 食神叉燒，午市時段好多人幫襯，一於試下。餐廳光線充足，環境乾淨企理，卡位闊落坐得舒適，店員熱情好客~午市套餐價錢相宜，仲有多款食神推介，樣樣都好吸引!正宗黯然銷魂飯豬腩肉叉燒肉質軟稔帶油脂，賣相吸引，食落鬆軟香甜又多汁，叉燒帶少許燶邊，勁惹味。米飯用黑龍江五常米，煙韌分明。配以半熟流心蛋，好出色!食神炒飯 食材勁豐富~面層有大量蟹籽，勁足料，仲有唔少蝦米、蝦仁、叉燒粒、青豆等等，炒飯口感乾爽，飯粒分明，好香口。開胃咕嚕肉酸酸甜甜，醒神又開胃，火侯控制得剛好，外酥內嫩。最後叫左兩杯野飲~咸檸七酸爽清甜，解渴一流。熱咖啡濃香醇厚，正~