和牛燒肉‧純

营业中

休息中

下一個公眾假期係4月，呢段日子當然要自製驚喜開心下，搵下吃貨朋友齊齊開心食，今次就揀大家都鍾意的燒肉，朋友仔就話呢間燒肉係JA全農集團直營，好多和牛都係直接從日本各縣市進口，質素絕對有保證，今次試咗唔同部位，各有特色，味道亦相當深刻。加上日式風情的裝潢，可以舒適地開餐，是值得再訪的餐廳之一。銅鑼灣都有分店，超方便！◽ 特選日本產和牛肉眼大大片肉相當吸引，牛脂亦分布均勻，放至爐上一燒，肉香撲鼻，油腴豐盈卻不會過膩，而且份量也不少，配上日本米飯就是一口絕配。◽ 日本產和牛牛排肉雪花般的油脂令人食指大動，只要輕輕一燒就能進食，軟嫩的肉質好食到想立即encore。◽ 日本產和牛上牛排肉油脂同樣滿滿，味道較厚實且牛味十足，大滿足～可以配搭醬汁、檸檬汁或岩鹽，別有一番風味。◽ 特選日本產和牛牛排肉（汁燒）蘸上醬汁的和牛牛排肉入口味道會更濃郁，佐飯一流的美味。▪ 梅子梳打、檸檬梳打食燒肉當然要配返杯透心涼飲品，前者有大大粒梅子，戳完有梅子香；後者就好Fresh，喝一口能夠有減膩的作用。◽ 豆腐沙律賣相不俗，有滑溜兼豆味濃的豆腐，再配麵包糠、甜椒、車厘茄等等，清新又開胃。