名門私房菜

营业中

休息中

朋友知道我喜歡食私房菜，今晚約我去位於灣仔港鐵站附近灣仔道名門私房菜。第一個菜冰鎮鮑魚配燒汁芥辣醬，冰凍的鮑魚真的透心涼，又新鮮彈牙，再配芥辣醬，帶出鮑魚的鮮味，所以覺得好好食，真的想食多一隻。懷舊蝦多士雙拼大良炸鮮奶，兩件蝦多士及兩件炸鮮奶，蝦多士分量十足，非常脆口。大良炸鮮奶除了鮮奶味濃還有椰奶的香味，外脆內軟。青芥冰燒雞，混合雞絲、青瓜絲、芋頭絲、芝麻、子薑、海蜇等炒成，其中芋頭絲非常香脆，海蜇爽口。蜜餞欖角骨，肉質鬆化，欖角和蜜餞味道香甜，送飯最好。和味粉絲煲，由蝦米、芹菜、蛋黃、肉碎等炒成，好惹味。麵醬啫啫唐生菜煲，成煲熱辣辣上枱，唐生菜好新鮮，配麵醬非常惹味，炒得非常香。最後食甜品陳皮紅豆沙，這一餐真的分量十足。