名門私房菜

营业中

休息中

今日同朋友想食中菜又係灣仔區，見到呢一間私房菜就嚟試吓，秋天梗係要飲返個滋補燉湯潤一潤佢啦，揀咗呢一個杏汁花膠豬肺湯，杏汁好香滑濃郁好似奶咁好潤白雪雪，勁多花膠好足料好林好有膠質好補，啲豬肺都等到好入味好正👍🏻前菜每人一隻冰鎮鮑魚，呢度啲鮑魚好大隻，處理得好乾淨又夠凍，出嚟大過匙羹咁多，配埋佢呢一個酸酸辣辣嘅汁，勁開胃。呢一個鯪魚唔使多講又係順德名菜！心機手工菜，全條魚起晒肉起晒骨裏面滿鯪魚肉，，外面魚皮煎得香脆，加埋個獻汁我一個人都可以食晒一條。呢個鴨掌，炆得勁入味！鴨掌肉厚，有彈性唔會炆到林晒。順德煎焗雞，雞皮先得好香口雞肉嫩滑，超香！送飯一流。送左個番薯糖水，有點薑辣香香甜甜，好滿足呀….呢度嘅員工好有禮貌滿滿人情味🥰