越滿 (已結業)

喺越南旅行完返嚟後，一路都好懷念越南菜，所以同旅伴咁啱經過"越滿"，就好快衝左入去坐低😂餐廳唔算大，但裝修好簡潔有風味，加埋播住越南歌，好有feel☺☺越滿和牛湯河湯河內有多款唔同嘅牛，包括日本和牛、澳洲和牛、美國牛小扒、牛丸同埋和牛牛舌，店員會喺你面前為湯河淋上熱騰騰嘅湯。清甜嘅湯底更突顯牛味！幾款牛幾種唔同嘅口感幾款唔同嘅滋味！海防蕃茄蟹肉蝦湯檬 湯底用大量蕃茄熬出黎，面頭仲有幾大舊蕃茄，湯底帶著濃烈清甜的蟹肉香，味道非常夾得黎又好鮮，忍唔住一口接一口飲！燒蠔有四款口味可供選擇， 我哋揀咗兩隻蒜蓉味一本越南青檸同埋越式喇沙味！ 蠔肉好肥美大隻 ，我特別鍾意越南青檸味酸酸哋好開胃！牛油雞翼雞翼脆卜卜，充滿牛油和蒜香，香脆嘅外皮內係嫩滑嘅雞肉！👏🏻馬拉盞炒通菜份量十足嘅馬拉盞炒通菜，鹹香味濃， 通菜亦多新鮮嫩綠，食落爽口👍🏻