鏞記酒家

营业中

休息中

好嘢食開完一間又一間，唔少都會為咗吸引食客而加好多新創意搞到有啲菜式好奇怪，不過傳統正宗嘅菜色先至有味道。鏞記都有返咁上下歷史，好多菜都係得佢哋先整得好，更加唔好講佢嘅燒鵝燒到全香港都識，皮薄肉厚，肥瘦適中得嚟又多肉汁，一哥地位真係呂使講。另外佢有個鵝肝腸豆仁炒鵝崧都好正，用大豆芽菜的豆仁加鵝崧同冬菇粒一齊炒香，再用生菜包住食，鵝肝腸同鵝崧香到不得了，問佢哋話其實依道菜都算係新創作嚟，不過師傅就好堅持用返最傳統嘅手法去整，味道好食得嚟都會係好正宗嘅粵菜嚟。