皇轎印度餐廳 (已結業)

喺尖沙咀食印度菜嘅話好多人都會諗起去重慶大廈，不過講真，帶住女仔真係唔係好想去重慶大廈入邊食飯，始終都係有啲雜。不過最近在apps又搵到一間樓上鋪嘅印度餐廳，所以就膽粗粗去試下喇。不過講開呢間鋪真係有啲難搵，入口都唔係好明顯。不過搭咗啲上去之後，就發現原來間餐廳都幾大間，仲要幾光猛添。來到印度餐廳，點返一個咖喱是常識吧。所以就點咗一個咖哩羊腩，其實塞得入邊加啲分左好多種，亦都有唔同嘅難度，我今次揀嘅係最普通嗰隻咖喱羊腩。食落都少喇，羊腩都幾juicy，同埋連咗少少肥肉，所以食落都幾腍嘅。雞肉咖喱炒飯。我都幾鍾意食印度餐廳嘅咖喱炒飯，因為佢用嘅米系比較長形，食落比較煙韌，而且有咖哩嘅辣同香味。另外雞肉都十分足料，所以都推介畀大家食。蒜蓉薄餅。呢個真係不得了。本身諗住用呢個嚟點咖哩，點知佢就咁唔使加任何醬汁已經好好食，好香好重嘅蒜蓉味。不過當然，強烈蒜蓉味就代表佢加咗唔少油，所以如果你想清清地用嚟點咖喱的話，比較建議點一客原味。在場嘅電視都有播放的印度嘅MV，都幾有趣，充滿印度風味，而且環境舒適寬敞，人流量唔多，在場嘅都祇有一兩臺南亞裔嘅人士進食，所以我覺得呢間餐廳都值得一試。