影片
更多
2017-06-01
857 浏览
行過旺角街市，同朋友諗緊食乜嘢之際，見到有個Banner喺行人路，介紹附近有一間餐廳叫做「甲天下正宗桂林米粉」，有米粉、土豆粉同埋螺獅粉選擇，而且食物圖片吸引，我哋兩個就去試吓先。鋪頭都比較開揚，如果行經「旺角街市」必定經過見到，餐廳裝修擺設簡約為主，以啡色木枱椅，突顯桂林餐廳食物特色，另有一番格調。叫嘢食係以自助形式，喺枱上面有個木桶，入面裝咗一疊點菜紙同筆，比客人自己填寫想要嘅食物，再比店員落單，簡單而快捷。餐廳以「桂林米粉」同埋「土豆粉」為主，而且有唔同嘅烹調方法，一共有六款麵底選擇，我哋揀咗招牌「桂林米粉」做麵底，兩個人share食個桂林米粉，所以我哋揀咗好多配料，唔同配料都有唔同嘅價錢，我哋揀咗「娃娃菜」、「滷大腸」、「滷五花肉」、「香辣蟹柳」、「蒜香豆角」、「單骨雞翼」、「醬香豬手」、「小炒肉」、「紅燒排骨」等等，另外再叫左幾樣「特色風味小食」，分別係「玉林牛巴」、「風味烤魷魚鬚」、「香煎千頁豆腐」同埋「椒鹽炒土豆」，最後梗係唔少得叫返啲嘢飲飲下先，叫咗「椰子汁」同埋「雀巢檸檬茶」，價錢亦非常便宜。由於我哋太肚餓啦，喺點完餐之後，又去咗近廚房嘅自助餐前小食吧，想試吓啲桂林特
鋪頭都比較開揚，如果行經「旺角街市」必定經過見到，餐廳裝修擺設簡約為主，以啡色木枱椅，突顯桂林餐廳食物特色，另有一番格調。
叫嘢食係以自助形式，喺枱上面有個木桶，入面裝咗一疊點菜紙同筆，比客人自己填寫想要嘅食物，再比店員落單，簡單而快捷。餐廳以「桂林米粉」同埋「土豆粉」為主，而且有唔同嘅烹調方法，一共有六款麵底選擇，我哋揀咗招牌「桂林米粉」做麵底，兩個人share食個桂林米粉，所以我哋揀咗好多配料，唔同配料都有唔同嘅價錢，我哋揀咗「娃娃菜」、「滷大腸」、「滷五花肉」、「香辣蟹柳」、「蒜香豆角」、「單骨雞翼」、「醬香豬手」、「小炒肉」、「紅燒排骨」等等，另外再叫左幾樣「特色風味小食」，分別係「玉林牛巴」、「風味烤魷魚鬚」、「香煎千頁豆腐」同埋「椒鹽炒土豆」，最後梗係唔少得叫返啲嘢飲飲下先，叫咗「椰子汁」同埋「雀巢檸檬茶」，價錢亦非常便宜。
由於我哋太肚餓啦，喺點完餐之後，又去咗近廚房嘅自助餐前小食吧，想試吓啲桂林特色前菜，枱面分別擺放左「醃青椒」同埋「醃蘿蔔」，比客人自己夾黎食，除此之外，仲有一啲調味料，例如桂林辣椒醬等，比客人自己因應份量舀，非常方便。最後我哋每人都夾左幾粒試吓。
平時一向我都唔食青椒，不過見到啲醃青椒切開一塊塊，薄薄地細細塊就試少少，食落去唔辣，不過有啲酸酸嘅味道，幾特別，不過都係因應個人喜好，我個朋友就食咗好多。
而個醃蘿蔔，切開左一粒粒好似冰糖正方體咁，食落去好爽口，而且都係有酸酸嘅味道，幾醒胃，開胃之選！
啲嘢食終於來啦，佢啲「滷大腸」非常入味，而且係軟林林架，好好食呀，必食呀；另外的「五花腩肉」雖然睇落去好似好肥，但係其實半肥瘦架，一啖咬落去，好滋味， 滿口都係五花腩味道，仲有啲入口即溶嘅感覺啊！仲有我至愛嘅「單骨雞翼」，我哋一共叫咗兩份，雞翼都有起碼八條以上，炸得好香脆美味，而且雞翼切左一半都仲覺得好大隻，好滋味。
當然梗係要食返啲蔬菜清下腸胃啦，我哋就叫咗「娃娃菜」同埋「生菜」，啲菜煮得剛剛好，唔會太林，咬落去好爽口，有口感。其他配菜都好好食呀，加埋桂林米粉一齊食，好似一碗桂林車仔麵咁，另有一番特色。至於「桂林米粉」，並唔係我哋成日食開嘅米粉咁幼，而係有少少似米線嘅質感，白色一條條，咬落去都有啲彈力，而且湯底濃郁，仲有啲配料連埋一齊食，好正。由於我鍾意食辣，所以我加左佢哋自製嘅桂林辣椒醬落去，更加滋味。小食方面，「風味烤魷魚鬚」炸得好香脆可口，而且每一條都係大大條嘅魷魚鬚，咬落去更有質感。
我一向都好鍾意食豆腐，而「香煎千頁豆腐」咬落去表面有唔同嘅調味料，非常惹味，入面白色嘅豆腐的質感就比較實少少，唔似百福豆腐咁易散，有質感而且滑嫩，食得好滋味。
「椒鹽炒土豆」原來好似薯仔番薯咁架，切開咗一粒粒，一啖就可以擺入口，而且土豆皮薄薄的，外脆內軟。
「玉林牛巴」外面炸得香脆可口，入面係滑滑的肉，一啖咬落去，香脆嘅皮連埋鮮嫩既肉，好正。
食咗咁多樣嘢都係差不多＄200埋單，而且餐廳位於旺角鬧市區，價廉物美，值得一試。
张贴
