影片
食家推介
大家好！今次我去咗一间米粉店食饭，真系有惊喜㗎！一入去，就觉得自己似乎穿梭返去古代既客栈，好有Feel！首先，我点咗个锅烧肉配单骨鸡翼，食落去弹牙多汁，单骨鸡翼又香又脆，完全系咁正咁好食👍，份量又足够，满足晒。玉林牛巴肉味重，配上滑溜溜既米粉，舒服过瘾！点心部分，我要推介下煎千页豆腐啦，脆皮有弹性，一啖口就感受到豆腐既温柔与可人。跟住间餐厅既巴士，就系佢哋既烤鱿鱼须，呢个真心唔可以错过，烟韧带劲，嗜食海鲜既我真系停唔到口。好戏登场，话说主角大肠蟹柳酸辣荀桂林米线呢，汤底味道好特别，酸酸甜甜，蟹柳Q弹，大肠过瘾得滞！汤头同粉丝揉合得紧紧，令呢个主菜喺我心目中飘红飘紫。整体嚟讲，既方便又大众化，真心推介大家去试吓。仲等咩，约齐三五知己，去食一餐实净又好呷既桂林米粉啦！🍜🌶️✨
继续阅读
餐厅位置有少少偏远，其实都几难揾到，店面都比较细，全间铺头加埋嘅位应该15人左右，冬天食嘅时候好冻(真系间餐厅门口冇遮掩) 但都坐满有一半嘅位，食碗面唔需要太多时间，所以台turnover rate 都几高，稍为偏远嘅餐厅黎讲算几受欢迎。同朋友一齐叫咗一人一碗 螺丝粉 ，配料好充，个粉滑得黎有咬口，汤底味道丰富，整体不错。另外，再左份香煎豆腐，超级高水准，煎到刚好，又脆又香口。而且，铺门系近厨房位放左 腌青椒同埋萝卜呢啲小配菜，可以自己去拎
继续阅读
大陆流行食包装螺蛳粉，呢只粉出名臭，原因系入面包酸笋。之前都未闻过系咩味，今日晚嚟呢间小店就知喇，真系几臭🤭今晚因为工作关系去开塘尾道呢边，一早揾定要食咩，主要系想试下呢度个猪肚，而且另一半嗜辣，睇嚟土都啱佢。我哋做完嘢已经夜晚9点几，天寒地冻走一大段路先揾到喺桥底嘅呢间小店，入面有一对男女食紧面。未踏入间舖已经闻到一阵好强烈嘅味，我形容为「押」味😆间舖面积好细，墙上贴著告示话经营到月尾会搬。呢度个位置都有点吊脚，不过由我哋入去到食完差不多十点，计埋我哋都有8个客，可见地点就算唔就脚，喜欢桂林风味嘅人都会帮衬。我俩坐下来点菜，原来系各自在过胶嘅餐牌上点菜。我哋点了土豆粉，佐以几碟小菜，包括山椒凤爪、灯影牛肉丝、椒盐土豆、鲜花甲、麻椒爽猪肚。最先上嘅系山椒凤爪，辣辣地几开胃，但凤爪略为有点硬。食食下凤爪条脷开始俾啲辣椒辣到好痛时，碟麻辣灯影牛肉丝就上台了。虽然系个名叫麻辣，辣就有，但唔系好食到麻味，啲肉丝好似猪肉松咁幼细，所以吸收晒调味料，上面加上芝麻更加香口。我哋叫的都是土豆粉，外表看来似上海粗炒啲面，食落有点Q弹，望下咬断嘅面条，原来外面𠮶层有点似薯粉半透明，入面系类似上海粗炒/乌冬嘅面质，好特别嘅口感。汤入面加了少量酸笋，我俩都不太好呢种味。之前两个小食同碗面都愈食愈辣，终于嚟碟唔辣嘅花甲，由于只有少少调味，可以吃得出花甲嘅鲜甜味食食下先发觉佢漏咗麻椒爽猪肚同椒盐土豆，好彩佢接近收舖都仲有，而且都炒得好快。食落都系唔觉好麻辣，但香口嘅，猪肚唔算爽，厚切而好有𡁻口。呢碟声称椒盐土豆又系好香口，辣辣地，口感似炸薯粒，由于太辣而另一半好中意，差不多成碟清晒最尾不得不赞这腌萝卜，系由客人自己夹，食落唔系一味酸，有少少咸味，配重口味嘅小菜同面，感觉好清新总括而言，如果你唔怕酸笋𠮶阵味，呢间小店确实几有特式，如果你似我同另一半唔识欣赏面嘅酸笋味，可以叫多几种小菜试试。不过我发现食完返到屋企，成个人连头发都系酸笋味🤭
继续阅读
有日经过就同朋友入左去食呢度有得自己夹啲腌菜食我个日要左碗5色渔粉当中有鱼片同豆腐做配料，味道都唔错，但都几重味精，所以食完都几口渴而我仲另外加左呢个荀，酸酸辣辣都几好送个粉~~但呢度个姐姐既服务就认真争啲------------------------------食物质素：🤤🤤🤤(5🤤最优)价格水平：💰💰💰(5💰最贵)环境装修：✨✨(5✨最好)服务态度：🌟(5🌟最佳)整体评分：❤❤❤❤❤(10❤满分)是次评论及分数视乎进餐当天的品质而订，亦同为个人观感：）------------------------------
继续阅读
“桂林山水甲天下”听得多，呢日陪女皇买完𩠌经过见到呢间名叫“甲天下”既桂林粉面店传黎阵阵既香气，我地就决定入去试下呢到既出品系咪真系可以拎到“甲”级先呢到地方唔算大，但整体都好企理，坐落都唔会话好迫好窄除左桂林米粉之外，呢度仲有其他种类既粉面同小食可以选择，当中仲有前排都几hit但平日比较少店舖有得食有既“螺蛳粉”可以拣女皇话未食过螺蛳粉，所以就拣左碗“柳州螺蛳粉”HKd42，而我就被个鱼汤吸引住，决定嗌碗原味既“五谷渔粉”HKd$48试下先除此之外，我地仲嗌左个“香煎千页豆腐”HKd$22一齐share黎食喺等紧野食黎既期间，我地仲见到店内免费提供左“腌青椒”同“腌萝白”俾人客自行夹取试食添等左一阵，女皇既螺蛳粉同我既渔粉都到场啦女皇既螺蛳粉本身已经会有肉碎、脆黄豆、酸豆角等等既惹味配料，而女皇仲额外加左啲配料添女皇话螺蛳粉既汤底都几鲜味，加上粉质滑溜又烟韧，味道唔错而我既渔粉相对下卖相比较清淡，但奶白色既鱼汤原来好鲜味架，加埋不同颜色既爽滑五榖粉一齐食，味道唔错之余当中配有既豆腐仲好滑架，食落既感觉仲好健康添而我加左HKd$18同HKd$12所搭配既“锅烧肉”同“秘制猪颈肉”都不俗，当中既锅烧肉炸得酥脆，十分香口作为小食既千页豆腐更加系深得我心，煎得香脆得黎，千页豆腐既豆香十足兼且调得惹味而女皇就大赞佢所加配既“麻辣灯影牛肉丝”HKd$12，话个味道调得几好，用黎配面食好夹㖞食埋个惹味既千页豆腐之后，我地仲要左枝乌龙茶HKd$15黎解解渴添-虽然小店既出品未必做到甲天下，但当中风味十足，好地道既感觉，整体食物既味道都唔差
继续阅读