隨心 (已搬遷) 新店位置

// 最近好想食新加坡野，於是行完街之後，就同友人去搵食，究竟鰂魚涌有咩好選擇？咁我地又OpenRice一下先，見到其他人上載嘅野食圖片，已經流哂口水啦！好啦！一於試佢——With Your Mind！海鮮喇沙湯底方面：喇沙湯底完全唔辣，係食佢個香味，仲有少少沙嗲味道；材料方面：有蝦，帶子，魚片，豆卜，蛋，仲有蟹柳！個湯好香好甜，有小小花生醬味，好味道呀！我就比較喜歡它的米粉和瀨粉混在一起，而且兩樣都夠爽，口感豐富。馬來肉骨茶馬來西亞肉骨茶配三小片油炸鬼，真係好足料，好入味，個湯亦有陣陣藥材味，內有當歸，紅棗，杞子，准山，瘦肉等。肉骨茶內裡的藥材配料非常適合女性進補，藥材味不太濃不太苦，容易入口。秋葵濃湯豆腐首先好想講講個秋葵，真係好新鮮的秋葵，個湯唔濃，加埋豆腐一齊放入口，個口感好好，清爽嘅秋葵加上唔太淋嘅豆腐，係口腔混合埋一齊，好有田園嘅味道！海南雞半隻雞肉肉質很好，嫩滑嘅滑雞去骨後更加容易食，加上三樣醬汁，三個醬汁都令海南雞有唔同嘅味道！正！