日日香鵝肉飯店 (淘大商場2期) (已結業)

-🔸滷水雙拼飯 $80🔸原盅燉湯 +$38🔸汽水 +$5-晚餐唔想自己煮，落街搵嘢食，見未食過依間潮州餐廳，就試試佢。叫咗個滷水雙拼飯，總共有12款餸可以自選兩款，我就揀咗鵝肉同豬手。估唔到份量都幾多，每樣都有5-6片，食嘅時候記得淋上枱面有嘅滷水汁同甜酸汁，我係潮州妹都覺得正！搬咗出嚟自己住就好少飲湯水，所以跟餐加咗錢飲原盅燉湯，今晚係蟲草花桂圓瘦肉烏雞湯，飲得出冇味精亦好足料，秋風起有碗湯飲吓好正呢！