更多
2008-12-29
79 浏览
每次经过九龙城呢几条各色各样食肆云集，宁静中却又有啲热闹嘅街头上，回味紧晚饭嘅满足，心里面都会不期然想起合成甜甜淡淡嘅味道！潮州合成甜品嘅装修十年如一日：光猛嘅灯光，大大细细嘅圆枱，古旧嘅卡位、贴满舖内外嘅旧剪报杂志，甚至系播放紧嘅上世纪时代流行曲，都正正诉说佢几十年嘅历史！嚟到呢啲旧式嘅中式甜品店，听住老歌，食住水准依然嘅传统甜品，真系有啲回到过去嘅感觉！呢度嘅甜品以潮式为主，糖水款式超过80种，大部份系店主自豪嘅莲子、绿豆边、百合、马蹄同清心丸作不同种类配搭而成嘅传统糖水，亦有小部份新派嘅生果甜品！潮州糖水素以多渣、甜度高又饱肚见称，而合成就系当中嘅俵俵者，是夜我哋就点咗： 莲子清心丸：虽然合成有好多糖水款式，但最好卖应该系加咗莲子嘅糖水；店入面都有介绍佢系选用最靓嘅莲子，去芯再以慢火熬足6个钟头，所以莲子入口即化，而甜度亦啱啱好！如果嫌莲子配清心丸唔够丰富，仲可以加多只蛋，佢啲蛋都几大只，蛋白滑溜弹牙，蛋味亦浓，个蛋黄香香粉粉嘅质感，令人好满足！碗糖水热辣辣，饮完一阵就全身暖晒！ 潮州绿豆边清心丸：呢个糖水用料好足、火候亦够，绿豆边煲得好稔但仍然有咬口，质感粉粉软软，而且份量颇
呢度嘅甜品以潮式为主，糖水款式超过80种，大部份系店主自豪嘅莲子、绿豆边、百合、马蹄同清心丸作不同种类配搭而成嘅传统糖水，亦有小部份新派嘅生果甜品！潮州糖水素以多渣、甜度高又饱肚见称，而合成就系当中嘅俵俵者，是夜我哋就点咗：
莲子清心丸：虽然合成有好多糖水款式，但最好卖应该系加咗莲子嘅糖水；店入面都有介绍佢系选用最靓嘅莲子，去芯再以慢火熬足6个钟头，所以莲子入口即化，而甜度亦啱啱好！如果嫌莲子配清心丸唔够丰富，仲可以加多只蛋，佢啲蛋都几大只，蛋白滑溜弹牙，蛋味亦浓，个蛋黄香香粉粉嘅质感，令人好满足！碗糖水热辣辣，饮完一阵就全身暖晒！
潮州绿豆边清心丸：呢个糖水用料好足、火候亦够，绿豆边煲得好稔但仍然有咬口，质感粉粉软软，而且份量颇多；清心丸烟靱弹牙， 甜味隐约清新，纯以质感取胜！糖水饮落甜丝丝，绵绵嘅质感够晒滋润！
擂沙汤丸：擂沙糖丸有啲似糖不甩，只不过换上有馅嘅汤丸，汤丸面头有好多花生芝麻碎！汤丸皮烟烟靭靭但又好薄，麻蓉馅好浓郁再加上甜甜嘅花生芝麻碎，味道丰富有层次！
呢度地方都唔细，有上下两层，而且隔离又有分舖，好快有位之余，坐落都几舒服！而招呼亦好殷勤，当我哋话比肥肥哋嘅老板知，我哋当中有老人家，唔系咁方便坐楼上，佢就即刻吩咐啲伙记楼下有枱要比我哋先，食完行出嚟仲喺侧边睇住，叫婆婆小心行，实在好体贴，希望佢可以长做长有，继续将潮式糖水发扬光大！
张贴
