Thai-ger (已搬遷) 新店位置

今日同同事A一齊出去見客，見客前快食個 Lunch ，同事覺得近排無咩胃口，於是我就建議下不如食泰菜，夠香口惹味，相信胃口應該可以增添不少的。我就揀左碟「去骨海南雞飯」，識揀一定揀油飯，去骨海南實在無揀錯，雞味非常香濃，肉質幼嫩細滑，連皮食就最岩不過，再配埋自家秘製辣椒醬，真係錦上添花。同事揀左。「冬蔭公肥牛車仔湯粉」配金邊粉，小店特意用蝦頭先煎一煎再煮，然後打成濃湯，所以湯底味道更濃郁，再加上泰式辣椒膏和各式蔬菜煮成既湯底，食到我同事咀郁郁咁，胃口立即大增，隨即再叫添加左一碟炸魚皮，因為佢話個冬蔭公湯底實在丸正，唔想浪費左。最後同事A 仲全部清晒，一滴不漏咁。