馮濤泰菜 (已結業)

有日收工同男朋友出去搵野食，醒起之前有朋友食過呢間泰菜，極力推薦，所以就決定是晚試試佢！海鮮迷既我係一定點海鮮，呢度既瀨尿蟹隻隻都手臂咁長，好大隻，個殼都好脆，算好厚肉，配埋個泰式醬汁好惹味。老闆極力推介新鮮龍蝦，我地都決定試下佢，龍蝦肉食落夠厚實，仲好鮮味，個醬汁都好特別，唔會蓋過龍蝦既鮮甜。最後叫埋個泰式香葉肉碎飯，呢度個肉碎唔會太辣，但啲香料味好濃，好惹味，肉碎個份量用黎送飯好足夠。整體黎講，所有野食都幾高準，座位唔會好迫，都算好舒適。