阿來泰式地道風味

营业中

休息中

我懷疑我前世係一個泰國人，特別鍾意搵正宗嘅泰國菜，原來除咗九龍城，旺角阿來都十分之正宗。咖喱軟殼蟹絕對係啱我呢啲懶人，非常之鍾意食蟹，但係又懶得去剝殼，炸到香脆嘅軟殼蟹🦀，吸晒咖喱嘅香味，再配埋蒜蓉包，一啖咬落去，有三重嘅享受。•金沙炒大蝦開咗邊又炸好咗嘅大蝦🍤，脆到連殼都可以食埋，加埋人人都鍾意嘅鹹蛋黃，可以配上幾碗飯。•蒜蓉炒椰菜苗喺香港好少會搵到餐廳有椰菜苗，佢嘅口感會好似芥蘭咁，偏向爽脆嘅蔬菜🥬，又帶有少少苦，係我最鍾意去泰國餐廳叫嘅一道菜。