麺屋こころ

营业中

休息中

嗰日同男朋友去元朗逛街，逛到肚餓，又唔知食咩，突然發現咗一間裝飾好吸引嘅餐廳，原來係麵屋こころ。之前喺社交媒體見到一直推薦，但我哋都未試過。既然啱啱肚餓，不如嚟試吓呢度嘅撈麵。店入面嘅裝飾真係好fashion，令人眼前一亮。服務員態度又友善，座位又坐得舒服，俾佢哋滿分💯。我同男朋友分別叫咗兩款唔同嘅撈麵同一樣小食。正宗全料東京撈麵🍝男朋友叫嘅呢款撈麵，滿滿嘅配料，不止有溏心蛋，仲有生蛋黃、鮮嫩豬腩、辣肉碎等其他好多好多嘅配料，混合埋一齊，睇佢食得津津有味柚子鹽味撈麵🍝而我食嘅係冷撈麵，好有新鮮感。柚子味非常清新，仲有生蛋黃、雞肉碎等其他配料混合埋一齊，整體口感好豐富，多姿多彩嘅味道。雞軟骨餃子🥟第一次食到咁特別嘅餃子，外皮酥脆，內餡軟嫩，整體感覺唔會太油膩。正啊👍🏼