Rerere1001日式串燒 (已結業)

週日晚同朋友去食日式串燒輕鬆下，揀咗銅鑼灣渣甸街嘅Rerere1001 。餐廳位於大廈嘅頂樓，坐喺窗邊位置，可以盡覽銅鑼灣嘅夜景，好有情調。menu好有心思，製作精美，店都非常有禮會，會為客人介紹每道菜式。先來牛油果沙律伴餅乾，牛油果份量超多，配餅乾食原來咁夾。點了多款串燒，我最愛豚肉荔枝卷，豚肉包住荔枝，吸收咗甜美，有少少焦糖，還包住紫蘇葉好特別。雞先定蛋先，個名好搞笑，係免治雞肉串，配生雞蛋食，好惹味。鹽燒黑豚豬腩肉都很美味，豚肉肥美，充滿肉汁。這裏的烏冬超級彈牙，非常推薦👍👍