曾三仙米線 (好順泰大廈)

最近元朗開咗一間國內過江龍米線， 曾三仙喺九龍出面都有分店 而家開到屋企住嗰頭附近一定要嚟試下！

原來呢間分店 喺全國已經開咗八百幾間 嚟到香港個質素都keep到！
今日同老公試咗佢個酸辣肥腸米線 配嫩牛肉， 佢嘅米線好特別係用右身嘅米線 食落唔會好多水份 好飽足， 重點係超級入味。 湯底同一般米線好唔同 有好多嘅海帶芽菜 腐皮 酸菜 好惹味。

而我就叫咗個酸菜蝦膠鮮魚片米線， 蝦膠好爽口彈牙有鮮味， 加記魚片份量都好夠多又好滑， 有少少食緊酸菜魚嘅感覺，正！

試埋餐廳好出名嘅百香果茉莉茶， 淡淡果香但又唔會太甜 ，有陣陣嘅茶香， 用嚟調劑啱啱食嘅酸菜濃湯岩岩好。