Chatterbox Café (AIRSIDE)

营业中

休息中

Chatterbox Café係新加坡嘅過江龍餐廳，係香港都有幾間分店。Chatterbox本身係新加坡東方文華大酒店內嘅一間新加坡菜餐廳，佢最出名就係佢嘅文華海南雞飯。文華海南雞飯 ($138)文華海南雞飯係Chatterbox Café 嘅皇牌菜式。雖然係海南雞飯，但雞嘅份量都唔少。無骨海南雞用慢煮嘅方法煮熟，所以肉質嫩滑，連最難處理嘅雞胸肉都唔會鞋。雞皮爽彈，而皮同肉之間都有一層啫喱，完成無肥膏。海南雞會跟三款醬汁，分別係黑醬油、辣醬同姜蓉，三款醬汁都好出色。另一主角油飯都同樣出色，勁香雞油味。附上嘅一碗雞湯都十分足料。咖喱豬肋骨煲配白飯及香脆薄餅 （$142）豬肋骨用上西施骨，肉質鮮嫩有油香。配合埋咖喱同茄子、薯仔同秋葵一齊炆煮，勁香勁惹味。