影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
有关奖赏计划
各位为食鬼注意📢！今日同大家分享间喺AIRSIDE入面嘅宝藏Café，唔系讲笑，啲嘢食真系有惊喜，食完仲心思思想返兜啊！ 🥢 *邪恶之最｜特色咸蛋鱼皮* 哇！一上枱就闻到阵咸蛋黄香到癫！鱼皮炸到**金黄超脆身**，完全冇油膉味㗎～每块都俾咸蛋黄浆「痴到实一实」，咸香带微辣，**啖啖沙沙声＋蛋黄爆炸感**，邪恶但完全停唔到口！送啤酒或者今次介绍嘅茶饮一流🔥 🍹 *透心凉救星｜冻草莓柑橘乌龙茶* 热辣辣食完浓味嘢，呢杯真系神仙打救！**新鲜士多啤梨果肉**撞埋**清新柑橘片**，茶底系清香乌龙🍵，甜度啱啱好唔假喉！饮落有果香又有茶韵，**解腻透心凉**，夏天饮真系「哗～」一声，清新到震！ 🍛 *灵魂主食｜咖喱鸡煲配白饭＋香脆薄饼* 重头戏嚟啦！个咖喱**香浓到痴线**，系𠮶种带少少椰香嘅南洋风，辣度温和超惹味～鸡件**啖啖肉又煮到超嫩滑**，薯仔吸晒汁正到痺！重点系跟𠮶块**即炸薄饼**，脆到「咔嚓」声㗎！㩒啲咖喱汁上去食，**脆卜卜夹住浓郁咖喱**，简直系天堂组合！兜白饭？当然系秒清啦！ 📍 揾食指引： **Chatterbox Café** 九龙城启德协调道2号AIRSIDE B1楼B114号舖 （启德站直达，劲方便！）
继续阅读
今日约朋友去Airside食饭，一上地铁行一阵就见到“Chatterbox Café ”,吾谂啦～就食呢间😅餐厅装修得清雅简洁，灯光通明，座位宽敞，坐得好舒服👍扫code落单，都系大趋势，其实自己慢慢睇，慢慢拣都几好～咸蛋黄鱼皮$98真系又爱又恨，好邪恶但又好好味🤪酥脆口感和浓郁风味，每一口都系酥脆的鱼皮和浓郁、咸香的咸蛋黄，即做嘅同包装嘅真系有天渊之别，呢个真系好味好多😋😋😋海南鸡饭$138一碟嫩滑去骨鸡肉，一碗泛著黄油、粒粒分明的米饭，旁边伴著三碟酱料：姜茸、黑酱油及辣椒酱。夹起一件充满肉汁的鸡件，在酱料碟上翻动一下，醮著不同的酱油有著不同嘅滋味🤩参巴辣椒炒豆角$72参巴酱既香且辣，辣道适中，配衬爽甜嘅豆角最合适，如果吾系怕肥，一定可以再食多一碗饭😜出去俾钱先见到，早知登记 Cuisine Rewards 做会员可以有总值超过$400迎新优惠，包括$25优惠券及免费特色咸蛋鸡翼优惠券添👍
继续阅读
之前去尖沙咀食过，见今次喺Airside 行完街睇到有Chatterbox Cafe，同屋企人试吓。今次试咗佢哋嘅“COMBO FOR 2”二人套餐，因为最怕拣，二人餐啱晒我呢种唔想用脑谂嘅人～价钱望落都合理嘅～环境好舒服，坐喺car位上，灯光温暖，职员又友善，成个感觉几轻松～上食分店过佢哋嘅海南鸡，真系好滑。香脆薄饼配咖喱汁及蔬菜条，薄饼外脆，咖喱汁味道适中，但系无肉嘅～蔬菜条都新鲜，开胃又唔腻。黑酱油炒萝卜糕炒得ok，较淋身。黑酱油嘅香味唔错，食落去有种怀旧感。星洲海南炸猪扒配香米饭，猪扒外脆内嫩，肉质好，配埋香米饭，味道唔错～合理嘅。香炒河粉烩牛肉，河粉滑，牛肉嫩，酱汁味道浓郁。似平时嘅炒牛河～无唔算太油。酱油生菜清新又简单，为整餐带来啲清爽感。饮品方面，有机苹果茶清香，森林水果茶色彩靓，饮落去都几爽快。总括嚟讲，Chatterbox Cafe 嘅二人套餐唔错，$400 到可以有丰富嘅套餐～我觉得坐得舒舒服服，一边倾计一边食系OK 嘅！会再嚟帮衬✅
继续阅读
Chatterbox Café呢间新加坡过餐厅，我深信大部分都识，今日又再黎食下个海南鸡😆睇完menu见个二人餐好似几好.又唔算贵，就直接order !🤣小食:马来特色炸豆腐外层炸到金黄香脆，内里豆腐滑溜🧡配埋特制酱汁，好match !主菜:白胡椒肉骨茶配白饭🍚汤底胡椒味浓郁，饮落暖身又醒胃❤️排骨唔干柴好淋，肥瘦适中！配白饭一流，+$25都抵食。😁配上唧沺条够哂脆口！文华海南鸡饭🐥鸡肉嫩滑无骨，鸡皮够香🤭配埋三色酱（辣椒、姜蓉、黑豉油）更惹味！🤤难怪系招牌菜，超好送饭啊！蚝油小棠菜🌱新鲜爽脆，蚝油唔会太咸，健康又解腻。饮品热有机红榭茶／热柠檬茶茶味清香，餐后饮一杯好舒服，唔会抢味之余又解腻。😍😍宜家餐厅仲做紧新会员优惠！😳 免费登记成为Cuisine Rewards 全新会员可以尽享总値超过$400迎新优惠/包括$25优惠券及免费特色咸蛋鸡翼！🤣🤤就更加抵食！
继续阅读
今日同小朋友去咗 JOYPOLIS SPORTS HONG KONG (JP超动感世界) —— 玩完三层，做咗好多运动，大人小朋友都好肚饿，喺云云餐厅之中拣咗呢一间新加坡餐厅试吓。首先讲咗佢个咸蛋黄鸡翼先，超级好食，每一只都好脆身，咸蛋黄嘅金沙香包住每一只鸡翼，真系超级好食🤤另外钟意食辣嘅话，佢个鱼饼都超级推介，好够辣，但系如果可以整得再厚身啲口感会再好d!海南鸡嘅鸡就偏肥，主食:炒饭同埋烩河都正常发挥唯独系个萝卜糕超差，炒到碎晒，而且个味唔好食！嚟到个样同佢餐牌上面个样完全唔一样，同萝卜糕扯唔上任何关系…….千祈唔好叫呢道菜。
继续阅读