先試咗老虎蝦叻沙🦐 $138，湯底濃郁椰香撲鼻，大隻老虎蝦彈牙鮮甜，配米粉油麵兩溝，仲有豆卜同魚蛋，辣度適中超開胃！
仲叫咗🦀蟹肉炒飯 $168，蟹肉新鮮，炒飯粒粒分明帶鑊氣，蟹膏香濃，食落都幾有滿足感，啱哂我呢啲重口味飯桶🍚。
🍹飲品方面，我杯玫瑰露恐龍 $48，粉紅色好有少女心，玫瑰香氣清新，上面灑滿美祿粉，甜度啱啱好。朋友個杯美祿爆炸 $58，美祿濃滑，面頭有脆脆粒同夾心餅，咬口十足，童年回憶返哂嚟。
最後叫咗個必叫甜品，咖椰爆醬 $68，🥪多士烘得金黃脆口，夾住濃郁咖椰醬同牛油，香甜不膩，邪惡但超級正！整體呢餐飯十分滿意，會再嚟！🌟🌟🌟🌟
