十二味 (將軍澳中心)

营业中

休息中

Fatvava揾食😋😋水煮牛肉 $58可以揀辣度，大大碟，牛肉片大片，唔算好多塊但口感好嫩滑，有牛味，入面仲有青瓜內芽菜，雖然有經油同大量辣椒乾，但感覺唔會太油膩，送飯都唔錯！酸菜肥牛麵 $58入面係刀削麵底，肥牛出奇地都幾有牛味又唔會過肥。多酸菜同埋娃娃菜。少少酸，帶少少辣都幾開胃！川式口水雞 $68重口味之選，份量都多既，雞件大大舊肉，有唔同位置，去左骨！個汁好濃，又麻又辣既感覺，好正宗既川菜味！夠麻唔係好多地方都做到！蒜泥青瓜 $38蒜味重，青瓜脆口，做前菜同最後食一流，開胃，又可以減輕重口味既油膩感。 紅糖糍粑 $48有驚喜！可以選擇即上或者之後點上，即炸熱辣辣，入面糯米有煙韌口感，再點上紅糖，又幾夾幾好食！細細件，炸過但唔油膩，當甜品幾好！📍掃QR code落單，所有野食都可以揀辣度。📍午餐套餐會有雲耳做前菜，免費有一杯凍既酸梅汁，都幾解渴解滯。