陳儀興飯店 (崇齡街)

营业中

休息中

要食一餐正宗潮州打冷菜，當然要去D老字號飯店食咁先有信心保證，起碼會食到真真正正打冷味道，不過想食佢都唔係度度有唯有碰碰運氣，我自問運氣麻麻地不過都俾我見到當然唔駛問入去食番餐先，見到門口招牌同簡單裝修連埋伙記都係上咗年紀，就會知道係舊有嘅潮州打冷飯店，係門口已掛滿晒招牌鹵水美食真係未食先興奮，我地梗係嗱嗱聲點番幾味食，逢食潮州打冷大多數人一定必點蠔餅，鹵水鵝，鵝腸同潮州凍魚呢熱門菜式，我地都有點潮州凍魚，鵝腸再食下其他口味，當然要飲番杯啤酒咁先最正，先來係鹵水鵝腸齋睇鵝腸表面相當肥美，唔知食落有冇驚喜，咬落鵝腸厚肉好爽嫩，食到內裏脂肪香甜，本身鵝腸都鹵得好入味，我就連豆腐都食埋佢皆因吸收晒鹵水汁精華，記得係食之前點D辣椒油可以提升味覺正而另一款係潮州凍魚馬友，一上枱已見馬友滲出黃油，我都唔執輸食返啖魚肉先，係口內食到魚油甘香，肉質鮮嫩食落啖啖肉，將魚肉點小小普寧豆醬食更加鮮甜，真係眨吓眼就食晒成條魚就知幾好味再來有避風塘茄子，未食已聞到香濃辣椒味就知好鑊氣，茄子炒至金黃色，食到外面香脆內裏茄子嘅軟滑，真係估唔到食落咁刺激話咁快又品嚐一餐正宗潮州打冷。