影片
更多
2011-05-10
53 浏览
最近，經過永樂街，見到 7-11 隔離開咗間 Pizza 店 < Pizzeria JACOMAX >，呢個舖位前身係一間鞋舖 J Plus。<Pizzeria JACOMAX> 5月3日試業，5月10日正式開業。供應早餐 ( 8:00 ~ 11:00 ) $25 ~ $30 &下午茶餐 ( 2:45 ~ 5:00 ) $30 ~ $35中午及晚上可選擇件裝 Pizza $35起 及個裝 Pizza $90 ~ $240！ ( Size : 32cm 約 13 吋 / 51cm 約 21 吋) 還有，意大利麵包、意式三文治、意大利沙律、意大利千層闊麵、意大利粉及意大利小短粉等。老闆及師傅全部係意大利人，口味正宗！ 有一位識講意文嘅 Chinese 女店員，相信佢係負責人嘞！雖然佢好 young 又靚女，但係佢好 smart ! 另外有兩位女店員，分別負責派單張及樓面。佢哋相當有禮貌，不時同我講要等多陣，唔好意思！店內不大，只有4 張枱，每枱4 張櫈；Bar 枱配合小椅背高櫈，坐得舒服！由於地方所限，只有兩個焗爐。另外，牆上有幅意大利威尼斯風景畫，增添
<Pizzeria JACOMAX> 5月3日試業，5月10日正式開業。
供應早餐 ( 8:00 ~ 11:00 ) $25 ~ $30 &下午茶餐 ( 2:45 ~ 5:00 ) $30 ~ $35中午及晚上可選擇件裝 Pizza $35起 及個裝 Pizza $90 ~ $240！ ( Size : 32cm 約 13 吋 / 51cm 約 21 吋) 還有，意大利麵包、意式三文治、意大利沙律、意大利千層闊麵、意大利粉及意大利小短粉等。
老闆及師傅全部係意大利人，口味正宗！ 有一位識講意文嘅 Chinese 女店員，相信佢係負責人嘞！雖然佢好 young 又靚女，但係佢好 smart ! 另外有兩位女店員，分別負責派單張及樓面。佢哋相當有禮貌，不時同我講要等多陣，唔好意思！店內不大，只有4 張枱，每枱4 張櫈；Bar 枱配合小椅背高櫈，坐得舒服！由於地方所限，只有兩個焗爐。另外，牆上有幅意大利威尼斯風景畫，增添一點「意」味！
等候期間，見到一枱意大利人食客，原來意大利人 prefer 用手食 Pizza ，屈一屈Pizza 邊，然後由 Pizza 尖慢慢食，嘩！幾滋味呀！ 而我哋香港人，反而用膠刀叉，斯斯文文地切嚟食！以 lunch 買件裝 Pizza 為例，$35 包一款配料，額外配料 $5 ~ 6 ( 請見相片 )
有兩款口味：
意大利傳統口味 Napolitan style (拿波里口味) Pizza 有 10 吋長 & Roman style (羅馬口味) Pizza 有 8 吋長，較厚身多汁。
Roman style (羅馬口味) Pizza - 等 5 分鐘Napolitan style (拿波里口味) Pizza - 等 5 ~ 20 分鐘 ( 要視乎當時賣光與否，即時做呢款 Pizza，保證新鮮出爐；不過，需時大約 15 ~ 20 分鐘。
如果，唔想等得太耐，可以先打電話落 order。
Napolitan style (拿波里口味) Pizza ( with 1 topping ：配 Parma Ham 意大利風乾火腿) $35
Pizza 薄薄，Pizza 底夠脆，成 9 吋長！本身已經加上茄膏及芝士烘焗，揀好配料再攞去烘焗，意大利風乾火腿好薄，如紙般咁薄！ 味道未至於好似金華火腿及煙肉咁咸！口味略似金華火腿；整件 Pizza 幾好味！芝味香濃！ 外賣芝士粉另上。
Napolitan style (拿波里口味) Pizza ( with 2 toppings 配 Bell Pepper 西椒 & Anchovies 銀柳魚+$5 ) $40 堂食以木板盛住 Pizza，用膠刀叉慢慢切嚟食！別有一番味道， 西椒包括：黃、紅、青椒，切成粒，隨意灑上 Pizza ，可能加入芝士一齊焗，吸收水份，感覺較腍！ 銀柳魚本身好多軟身幼魚骨，就算吞落肚都無問題！擁有咸魚嘅咸香味，確實幾特別！ 雖然份量少許，但足以提升Pizza 味道。
Roman style (羅馬口味) Pizza ( with 2 toppings 配 Tuna 吞拿魚 & Zucchini 翠玉瓜+$5 ) $40 師傅將 Pizza 切開 6 件，方便進食！ 果然厚身多汁！ 約 1cm 厚，有口感！同樣加上茄膏及芝士烘焗，芝味茄味香濃！今次加上吞拿魚 & 翠玉瓜，吞拿魚味比坊間濃味，只得四片烤過嘅翠玉瓜，實在太少！
Pear juice (without sugar) 125g ( 跟餐 +$8 )意大利產品，啤梨汁味道濃郁！甜味適中！帶一點酸味！冰冰涼涼！細細支略嫌唔夠喉！
其他飲品：Lemonade, red orange, white peach tea, italian sparkling water, coke.
與中環 Paisano's 相比， Paisano's 以巨型 Pizza 吸引食客為噱頭！Pizzeria JACOMAX 則以正宗口味及即做新鮮出爐 Pizza 取勝！彼此各有取捨！ 我個人較為喜歡後者！
Paisano's
http://www.openrice.com/restaurant/commentdetail.htm?commentid=2159237
张贴
