和牛蕃 (已結業)

今日生日我老公好神秘咁book左間餐廳同我慶祝☺️我之前日日都話好想去日本食和牛,原來佢真係聽到架🤩佢帶左我食和牛蕃，我初頭仲以為係放題，原來係好正既omakase黎架😍我重點講幾樣啦，其他睇相啦😌全程都有人服侍安排得好好，仲係用日山A5和牛，好好味好滿足既一餐👍🏽頭盆係薄和牛多士，牛肉入口即溶滿滿既油香，夾埋好脆既多士口感一流煙燻和牛，佢係我地面前已經整左好耐燒起上黎真係好香既燒燻味，仲要咁厚都係一啲筋都無同放入口就溶化再加上黑松露令味道更出😘和牛三文治係招牌菜，真係好味道唔識形容，一咬落去有好豐富既口感😍壽喜燒佢係兩食既，先食個牛加上蛋醬，又係好正，之後再加飯，食埋個汁😂