影片
更多
2021-04-21
1624 浏览
身為火鍋怪，早就想試牛大人！😝✨適逢是日放假，終於孖到朋友陪我去嘆返餐！今次我哋揀就腳嘅荃灣店，呢度有勁大落地窗，樓底高，且位置寬敞，真心坐得幾舒服。✦ 極上和牛吃到飽 HK$198/位（限時90分鐘） 打開menu，即可見到3款任食90分鐘套餐，既然都食，當然就揀最高級嘅「極上和牛吃到飽」！而且價錢比最平宜嘅「精選嫩牛吃到飽」套餐只差HK$60，選擇卻足足多一倍有多。揀呢個套餐，可以任食矜貴嘅澳洲和牛M5牛肩卷、安格斯牛板腱、澳洲和牛M5牛肩卷、蟹籽墨汁漿、干貝鮮魚漿等，第一下見到都有啲花多眼亂！另外，餐廳備有8款台式火鍋湯底可揀，想要鴛鴦湯底，可另加HK$50。所有湯底都係台灣師傅主理，夠晒原汁原味！今次我就揀台灣鳳梨雞鍋，湯底竟然有半隻雞，好足料！仲有鳳梨肉、杞子等材料，飲上口鮮甜清新，唔錯！必食推介一：澳洲和牛M5牛肩卷牛肩卷油花豐富，切得細薄，一灼即熟！牛肩肉味濃郁，入口爽彈，點少少醬汁，好快就可食夠2-3碟！正！😝必食推介二：蟹籽墨汁漿除咗肥牛，我最愛仲有魚滑！呢度嘅魚滑跟返台式叫法，稱為「漿」。喺三款手工漿中，我最愛蟹籽墨汁漿，好彈牙鮮味，粒粒蟹籽增添好有咬口。必食推介三
身為火鍋怪，早就想試牛大人！😝✨
適逢是日放假，終於孖到朋友陪我去嘆返餐！今次我哋揀就腳嘅荃灣店，呢度有勁大落地窗，樓底高，且位置寬敞，真心坐得幾舒服。
✦ 極上和牛吃到飽 HK$198/位（限時90分鐘） 打開menu，即可見到3款任食90分鐘套餐，既然都食，當然就揀最高級嘅「極上和牛吃到飽」！而且價錢比最平宜嘅「精選嫩牛吃到飽」套餐只差HK$60，選擇卻足足多一倍有多。
揀呢個套餐，可以任食矜貴嘅澳洲和牛M5牛肩卷、安格斯牛板腱、澳洲和牛M5牛肩卷、蟹籽墨汁漿、干貝鮮魚漿等，第一下見到都有啲花多眼亂！
另外，餐廳備有8款台式火鍋湯底可揀，想要鴛鴦湯底，可另加HK$50。所有湯底都係台灣師傅主理，夠晒原汁原味！今次我就揀台灣鳳梨雞鍋，湯底竟然有半隻雞，好足料！仲有鳳梨肉、杞子等材料，飲上口鮮甜清新，唔錯！
必食推介一：澳洲和牛M5牛肩卷牛肩卷油花豐富，切得細薄，一灼即熟！牛肩肉味濃郁，入口爽彈，點少少醬汁，好快就可食夠2-3碟！正！😝
必食推介二：蟹籽墨汁漿除咗肥牛，我最愛仲有魚滑！呢度嘅魚滑跟返台式叫法，稱為「漿」。喺三款手工漿中，我最愛蟹籽墨汁漿，好彈牙鮮味，粒粒蟹籽增添好有咬口。
必食推介三：私房鴨血除咗火鍋配料，呢度亦有一系列台式小食，如鴨血、鹽酥雞、烤香腸、炸蕃薯...等等，個人最愛鴨血，一兜有4件，好厚底，食落爆汁，帶麻辣香。
▲ 炸蕃薯
▲ 烤香腸、炸魚肉
▲ 鹽酥雞
必食推介四：落花流水啤呢款係本地釀嘅啤酒，個人都覺得幾啱女生飲，苦味不明顯，入口啖啖花香味，口感柔和。
▲另有各式冷泡茶。
必食推介五：台式仙草糖水呢款飯後甜品每人一客，又係必試之選！仙草Q彈香滑，仲有珍珠，花生及紅豆，香甜可口，勁正！
张贴
