哈豆

营业中

休息中

今日去咗觀塘apm買咗好多嘢 所以朋友就話不如去搵間餐廳度醫下個肚 咁岩我又覺得有啲肚餓 朋友話喺觀塘有間叫哈豆嘅台灣餐廳都算出名 食台灣嘢 而且老闆係一個台灣人 所以味道一定正宗 咁就決定入去試下入到去裝修都算簡約 但係有一個好有趣嘅地方 就係貼咗特色嘅揮春 幾得意之後就到叫嘢食嘅時間 我哋叫咗一個椒鹽肉排飯再加一個鹽酥雞 果然真係同我喺台灣食到嘅一樣 肉係好厚 肉汁非常之豐富 肉味好濃烈 而且炸粉唔算好厚 所以炸到外脆內軟 值得一讚鹽酥雞 一樣炸到好脆身 但係又唔係好鹹 雞味雖然冇豬肉咁濃 但係都有好多肉汁 令到我食上癮之後就叫咗一杯珍珠奶茶 睇相都知道佢係用咗鮮奶去做 所以佢味道同出面飲到嘅有啲分別 而且增加一份新鮮牛奶嘅濃郁感