哈豆

营业中

休息中

呢間台灣料理價錢抵食，選擇多，有主食、小食、飲品等。午市仲有套餐，包飲品！我哋兩個人，一人叫咗一個餐。▶️鹽酥雞肉燥湯麵$60我就+$3轉咗新竹米粉，新竹米粉爽口，好味！湯底夠味，有肉燥、芽菜、滷水蛋等。鹽酥雞分開上，炸得夠香脆，細細粒好好食！飲品升級咗青蛙撞奶+$18常溫、半糖。味道剛剛好，奶夠滑，黑糖味夠香！珍珠煙韌！▶️台灣五寶拼肉燥飯$64相當豐富，有香腸、雞翼、豆腐、貢丸、花枝丸，仲有少少汁。全部都好食！飯嘅份量都夠多，相當飽！飲品揀咗蜂蜜檸檬粉圓+$12呢個粉圓原來係一粒粒黑色點嗰種，有口感，飲品酸酸甜甜。