老鍋台式火鍋 (金馬倫道) (已結業)

台式火鍋一向都甚受歡迎，今次去到呢間餐廳第一件事就係要品嚐呢個尚膳養生鍋，加入唔同藥材食材的火鍋，包括參類、菇類、玉米等，湯底味道鮮甜帶微甘，水滾之後先飲一碗，可以品嚐到最原始精華的味道。食火鍋點可以唔食牛，呢碟手切牛肩肉，賣相已經非常吸引，係滾湯中放大約30秒，就可以食到嫩滑牛肉的口感，加上牛味香濃，絕對強烈推介。而丸類亦唔好錯過，呢兩款鵝肝墨魚丸同埋黑松露蝦丸，唔單止名稱矜貴，味道仲唔錯添。手打丸類粒粒彈牙，再加上分別加入的鵝肝同埋黑松露，突出鮮味，粒粒都夠滋味。而最後放入魚肚同埋寬條粉，可以吸收整個湯底的精華，加上寬條粉質地軟滑，入口時食多幾條而咸蛋炸魚皮夠晒邪惡，無講就咁空口食，定係放湯浸軟食，加上咸蛋的炸魚皮都係好吸引。最後再飲呢杯杭菊露，清涼消暑，兼且食材仲夠晒健康添。