台蔡滷肉飯

营业中

休息中

呢間台菜滷肉飯餐廳真係唔講得笑，試過四五次午餐同晚餐附近唔同時段想去幫襯，都見到門口有超過20人排緊隊，咁無辦法啦，每次都諗咁唯有下次再嚟幫襯啦。今次因為平日早放，決定嚟碰一碰運氣。幸運地等咗大概半個鐘就可以入座。叫得滷肉飯餐廳，就梗係要試吓佢嘅滷肉飯啦。今次我就帶咗藥膳排骨滷肉飯套餐，套餐包括一碗藥膳排骨，一小碗台味滷肉飯，在家是日精選小菜。另外我就再叫多咗一杯珍珠奶茶。咁多人食果然係有質素保證。藥膳排骨味道香濃，但香得來個拖唔會話好苦澀， 係可以食晒骨飲晒湯。 滷肉飯好Juicey好香。小菜係一啲台灣小食，我唔知應該點叫，但味道唔錯。整體來講未到同我喺台灣食嘅差唔多， 未去台灣前，推介大家去呢間試吓。