哈豆

营业中

休息中

呢間位於觀塘工業區嘅人氣台式小店由台灣人開設，主打家傳滷肉飯、乾拌麵、牛肉麵、仲有多款小食同飲品！牆上掛滿台灣著名必去景點嘅油畫，彷彿去咗當地旅行🧳同朋友嚟呢度聚餐都係一個唔錯嘅選擇☺️台灣五寶拼盤肉燥飯有齊香腸、雞翼、豆腐、花枝丸同貢丸😍 全部都煮得好入味而且食落又唔會過鹹，私心推介香腸同雞翼，前者外皮脆身，煙韌多汁，油香四溢、後者肉骨分離，簡單又美味😋 肉燥飯肥而不膩，不得不讚醬汁份量足以撈晒成個飯，加埋旁邊嘅配菜令人忍唔住一啖接一啖🥰椒鹽排骨芝麻醬乾拌麵有驚喜，麵底軟硬度適中，醬汁夠多，撈起撈起食極唔停，不過整體份量比飯少，大食嘅建議嗌多個小食😎 除此之外幾欣賞佢哋排骨係另上，咁就唔怕淋晒啦！即叫即炸，香脆可口，肉質嫩滑，配麵一流呀👍🏻 炸物拼盤可以一次過試晒大部份嘅特色台灣小食🤣 酥脆又邪惡嘅鹹酥雞、台灣腸、蝦捲、花枝丸、貢丸同番薯條🍟 好鍾意呢度嘅番薯條，外脆內軟，而且上面仲灑滿甘梅粉，酸酸甜甜咁好開胃😚睇返menu發現呢度嘅飲品都有幾多選擇，豆漿紅茶味道特別而且出邊比較少見，入口帶茶香味，飲多兩啖之後就慢慢咁開始感受到淡淡嘅豆香味～ 檸檬梅子山粉圓味道酸甜，清爽解渴，配上健康