班蘭葉印尼餐廳

营业中

休息中

芝士炸碎雞撈麵$72 食到正宗印尼撈麵！加左芝士之後每一啖多左啲奶香，拉絲嘅芝士增加左creaminess。炸碎雞其實質係炸雞件。用左印尼嘅醃料，又醃得好入味，炸皮又夠薄。食完一啖又一啖。特色印尼炒飯$88 炒飯嘅飯粒粒粒分明。好香胡椒味，所以好惹味。隨餐仲有一大塊炸蝦片、兩串串燒同煎蛋。雞肉串燒嘅調味好特別，淡淡嘅叻沙香味，而又有好重嘅蜜糖。甜食嘅串燒都幾好味。炒飯有好重嘅胡椒味，因為有用蝦乾爆炒左先，所以好香口。石栗馬拉盞炒通菜$78 個菜好有鹹香，食到有蝦仔同魚茸。唔會太辣，微辣嘅點綴令到碟菜更上一層樓。個份量都唔細，好夠食！牛肉沙嗲串燒（三件）$56同雞肉串嘅醃法相似，叻沙嘅味道比其他餐廳淡。但係蜜糖嘅甜味就好明顯。餐廳仲有印尼花生醬比你伴串燒食。都係辣辣地，但係又係接受到嘅辣度。