影片
更多
2020-04-03
417 浏览
咁大個女都未食過印尼菜，唯一接觸過嘅就係班蘭蛋糕。而我自己對斑斕葉又唔係太抗拒，所以今晚就捉埋🐢🍯同我嚟試吓呢間已斑斕葉為名嘅印尼菜。舖頭擺設都好有東南亞特色，而且舖頭係有兩公婆打理，老婆係印尼人，所以煮得一手正宗印尼菜，而且呢種小店仲有出邊食唔到嘅味道，就係人情味。佢呢度有三種好特別嘅飯，分別係斑斕飯，黃姜飯，椰漿飯，當然仲有最普通嘅白飯，但係嚟到呢度梗係要試吓啲特色野啦。所以我哋就揀咗個燒雞斑蘭飯。你唔好睇佢個飯係綠色好似好奇怪，但係食落又幾好食，佢會帶有班蘭葉嘅香味，但係唔會有其他你見到佢咁嘅色而幻想出嚟嘅味道。至於佢個燒雞，雞皮燒到脆脆地，個醬汁甜甜地，啲雞髀位都仲好嫩滑，都幾好食。而呢一個飯仲有一個特別嘅地方。就係呢粒臭豆啦，係上菜嘅時候我哋好好奇咁樣問咗老闆呢粒係咩嚟，佢就同我哋講係一種叫臭豆嘅嘢。老闆娘都行埋你同我哋講好臭㗎，食完個口會好臭㗎，雖然佢似電油未但係對身體好有益。冒險家精神當然係要試吓啦，味道確實幾特別，但係都需要啲時間適應下。另外我哋仲帶咗個炸魚黃薑飯，呢條炸魚不得了，出邊炸到脆卜卜，但係啲魚肉仲係好滑好鮮甜，配埋佢個檸檬辣醬，真係好正。至於黃薑飯味道比較淡
舖頭擺設都好有東南亞特色，而且舖頭係有兩公婆打理，老婆係印尼人，所以煮得一手正宗印尼菜，而且呢種小店仲有出邊食唔到嘅味道，就係人情味。
佢呢度有三種好特別嘅飯，分別係斑斕飯，黃姜飯，椰漿飯，當然仲有最普通嘅白飯，但係嚟到呢度梗係要試吓啲特色野啦。所以我哋就揀咗個燒雞斑蘭飯。你唔好睇佢個飯係綠色好似好奇怪，但係食落又幾好食，佢會帶有班蘭葉嘅香味，但係唔會有其他你見到佢咁嘅色而幻想出嚟嘅味道。至於佢個燒雞，雞皮燒到脆脆地，個醬汁甜甜地，啲雞髀位都仲好嫩滑，都幾好食。而呢一個飯仲有一個特別嘅地方。
就係呢粒臭豆啦，係上菜嘅時候我哋好好奇咁樣問咗老闆呢粒係咩嚟，佢就同我哋講係一種叫臭豆嘅嘢。老闆娘都行埋你同我哋講好臭㗎，食完個口會好臭㗎，雖然佢似電油未但係對身體好有益。冒險家精神當然係要試吓啦，味道確實幾特別，但係都需要啲時間適應下。
另外我哋仲帶咗個炸魚黃薑飯，呢條炸魚不得了，出邊炸到脆卜卜，但係啲魚肉仲係好滑好鮮甜，配埋佢個檸檬辣醬，真係好正。至於黃薑飯味道比較淡，食落唔會有啲咩薑味，但係聞落就好香。
小食方面我哋仲嗌咗牛肉串燒，印尼式嘅沙嗲原來係甜甜地，而佢俾我哋點嘅醬汁亦都係好唔同。
飲品方面不得不讚呢杯芒果沙冰，佢啲沙冰真係打到好幼滑，而且仲落咗少少cream去打，所以就令到個口感好creamy同滑，食落好似雪糕咁，唔會好似出邊啲沙冰咁，飲飲下會結左冰。
另外我哋仲試咗呢杯雙重芒果汁，原來佢係用普通芒果同青芒打成，面頭仲有啲青芒絲，果汁唔會太甜，味道岩岩好。
最後食飽當然唔少得要食甜品啦，嚟到呢度更加唔可以叫班蘭葉蛋糕啦，佢個蛋糕真係做到好鬆軟，而且真係好香斑斕葉嘅香味，真係好好味。
佢呢度除咗堂食，仲有啲包好一盒盒嘅飯同埋其他甜點可以俾你外賣，價錢仲好抵添。
张贴
