呢間印尼菜小編朋友幾年前食過，覺得唔錯，今日就帶小編來試下。
巴東牛肉
小編猶豫咗一陣，諗住食牛肉定雞肉，最後決定點呢款招牌巴東牛肉。橙紅色的巴東醬非常鮮艷，用咗多種香料煮成，層次豐富，食落甜中帶點辛辣，後勁十足。牛腱燉到非常軟爛入味，餸飯一流。
峇里醬四季豆
呢款醬汁比巴東醬味道更香甜，帶點椰糖香，香料有香蔥、辣椒等，非常惹味，四季豆爆炒到保持翠綠嫩口，連蔥炒到軟腍，真係好岩餸飯食，正！
雙色咖央多士
佢地好特別咁用咗兩款麵包做咖央多士，有芝麻面香脆，竹炭面則比較煙韌，口感特別。夾住的咖央醬和牛油比例剛好，唔會膩，好好味！
薄荷甘草檸檬草草本茶
食咗咁多重口味的食物，我地揀咗呢款熱花茶，清新芳香，飲落草本味濃，帶點甘草的甘甜，似涼茶，可以一試。
整體口味正宗，調味都啱香港人口味，份量足，重點係唔洗加一，掂👍
#尖沙咀 #佐敦 #尖沙咀美食 #佐敦美食 #印尼菜 #香港美食 #香港 #indianfood #hongkong
