蝦蝦燒

营业中

休息中

一大班人最啱就係去任食，又嚟到佐敦嘅蝦蝦燒，又平，又新鮮既任食，最緊要酒任飲，啤酒，黑啤同埋燒酒任你拎。海鮮全部即開，有蠔，大蜆，大眼雞，扇貝，好新鮮，新鮮既海鮮就一定鮮甜，得閒睇返啲相都想再去砌過肉類串燒都係你講得出既種類都有，豬牛雞，雞翼，雞軟骨，雞皮，魷魚乾，廚師腸，粟米，蒜蓉包等等，全部都refill得好快，好大方任你食。當中最happy 就係自己燒雞皮，平時食都廿幾蚊串，明明好像都唔敢食咁多，因為又貴又唔飽肚。依家可以食個夠，但就記住燒完一定要rest先會脆皮。而當中唯一一樣冇得refill既串燒大鱔真係成晚都記得佢，因為你可以燒到佢塊魚皮脆卜卜，而佢嘅魚肉都仲係好Juicy，一啖咬落去嘅時候魚皮嘅焦香魚油再加埋白鱔嘅魚肉q彈口感，真係冇得彈當然，去任食回本既，一定係揀返啲食材本身有貴，但係食完又唔飽嘅嘢不停燒不停食啦，我覺得一定隊海鮮加酒，雖然有啲怕痛風，不過今晚一定係要豁出去。