蠔站 (荃新天地)

营业中

休息中

本身唔係蠔痴，但間唔中就會忽然好想食生蠔，所以呢間用嚟止癮就一流。蠔本身細細隻，唔肥，但係抵食，叫一打仲平過一碟意粉，先掃一打再諗主菜。口味偏鹹，不過啱我，因為自己唔會落醬，所以鹹少少都冇所謂。黑松露飯好好食，唔知係咪撞彩，因為第一次喺呢間叫，全家都讚佢係全晚最好食。另外叫咗柏士圖大蝦飯同冬蔭功意粉，都好食但冇黑松露咁令人驚喜。反骨雞翼都一樣，炸得夠脆，乎合預期，但未至於驚喜。牛扒都食得過，只係出得較慢，所有嘢熱食同一時間叫，但佢最後先到。我本身對扒冇咩研究，只要厚身唔嚡同有 grill 嘅香就得，所以我覺得都好食。