見佢店仔細細，裝修同擺設都好別緻和優雅，再加上午巿人潮已過，感覺寧舍舒服同relax。
由於午餐時間已過，朋友同我都有點過度肚餓，但見門口仍放有午餐介紹牌，便問問店員有午餐仍可供應，店員笑答當然可以……真好，那麼我們就點咗個午餐來填補肚皮內的空隙啦！
我們叫了一個5成熟的美國安格斯肉眼扒配法式烤薯跟餐湯；先來個南瓜湯，看看色相已知夠濃且香，味道果然絕對冇失望！
安格斯肉眼扒 ~ 5成熟的牛扒真夠juicy，略有厚度，食落口感更加豐富；烤薯又香脆，配有沙律菜也夠清新。
仲有叫了個散餐 ~ 忌廉汁意大利鵝肝雲吞配什菜，夠精緻，入面的鵝肝餡料味夠濃郁，脂香十足。
跟餐還可以以半價配飲品 ~ 哈密瓜菠蘿梳打，是新鮮水果打汁做成，清新水果的甜味，一次過將兩種味道放進口內，十分喜歡，很有驚喜！唔係講笑，真係值得一試。
朋友試了過Mocha ~ 香濃的朱古力配咖啡，加上拉花一絕；仲有不可不提的少少cookie，係自家新鮮烤焗，非常鬆化，只可惜只得一塊！
