影片
更多
2020-10-20
695 浏览
喺中上環四圍蕩嘅我哋，行完PMQ後時間剛好食晚餐，雖然都比較早，但食完可以轉場睇波⚽️。PMQ落啲嘅歌賦街唔聲唔聲，其實有好多餐廳，仲要有唔同菜式同價格定位，總有一間啱你心水。我哋行到去街尾，並被「岩手 ·建 」嘅門面吸引而進內試試。餐廳環境唔大，但採用木系嘅裝修令人舒服😌。另外，一邊牆係黑板寫上推介菜式，另一邊就有幅日式捕魚牆畫。餐牌封面就如門面嘅畫一樣咁精美，食物種類頗多的，刺身壽司、和食、串燒以至天婦羅等都有，而且更設有廚師發板套餐👨🏻🍳。不過我哋唔餓，一人食一個主菜就夠了。季節刺身三色丼($268)，丼飯大大碗，賣相吸引，因為落咗啲菊花花瓣🌼同樹葉🍂作點綴。店員主動畀碗仔我哋Share食，細心。三色刺身包埋三文魚、帶子同左口魚邊，刺身幾厚切，味道唔錯。不過我最欣賞係丼飯本身🍚，因為師傅已經落咗醬油，所以好夠味，但又唔會過濃，恰到好處。鹿兒島牛肋條定食($159)，🐮牛肋條同白飯分開上的，牛肋條以外仲有沙律🥗作伴菜。牛肋條唔係燒烤嗰種，而係用醬汁忟煮，因此味道非常濃郁，偏重口味少少，但配番白飯食就無問題啦😜。你睇下牛肋肉嘅顏色就知道好夠味🤤，而且煮得好淋。題外話，餐廳嘅餐具花紋好
喺中上環四圍蕩嘅我哋，行完PMQ後時間剛好食晚餐，雖然都比較早，但食完可以轉場睇波⚽️。PMQ落啲嘅歌賦街唔聲唔聲，其實有好多餐廳，仲要有唔同菜式同價格定位，總有一間啱你心水。我哋行到去街尾，並被「岩手 ·建 」嘅門面吸引而進內試試。
餐廳環境唔大，但採用木系嘅裝修令人舒服😌。另外，一邊牆係黑板寫上推介菜式，另一邊就有幅日式捕魚牆畫。
餐牌封面就如門面嘅畫一樣咁精美，食物種類頗多的，刺身壽司、和食、串燒以至天婦羅等都有，而且更設有廚師發板套餐👨🏻🍳。不過我哋唔餓，一人食一個主菜就夠了。
季節刺身三色丼($268)，丼飯大大碗，賣相吸引，因為落咗啲菊花花瓣🌼同樹葉🍂作點綴。店員主動畀碗仔我哋Share食，細心。
三色刺身包埋三文魚、帶子同左口魚邊，刺身幾厚切，味道唔錯。不過我最欣賞係丼飯本身🍚，因為師傅已經落咗醬油，所以好夠味，但又唔會過濃，恰到好處。
鹿兒島牛肋條定食($159)，🐮牛肋條同白飯分開上的，牛肋條以外仲有沙律🥗作伴菜。牛肋條唔係燒烤嗰種，而係用醬汁忟煮，因此味道非常濃郁，偏重口味少少，但配番白飯食就無問題啦😜。
你睇下牛肋肉嘅顏色就知道好夠味🤤，而且煮得好淋。
題外話，餐廳嘅餐具花紋好靚，貫切餐廳特色🥢。
總括嚟講，餐廳位置唔算就腳，但呢晚我仍見到有唔少捧場客👏，有枱更加自備酒水晚膳，並獲師傳熱情招侍，氣氛很好。下次有機會我都想試下其他食物🎌。
张贴
