至尊滿屋日本料理 (已結業)

放題通常都係一班人想傾下聚下，但又唔想傾太耐而選擇的地方😂但放題亦都適合兩人享受，因為可以每款食少少咁，都好滿足！點評放題來不開-有無漏單、刺身有無雪味、甜品款式多唔多、熱食夠唔夠熱等。基本上這家店均合格。刺身極速送上黎，場內有三文魚、吞拿魚、帶子、希靈魚等選擇。甜蝦同油甘魚最鮮味、翡翠螺咸左少少。芝麻雞翼好好好正，外皮脆口帶有芝麻香，雞肉保有水份不會炸過龍。推介！蒜香牛肉粒，最怕牛肉過硬這裡完全沒有這問題，配埋蒜片一齊食，好適合。牛舌係最最最好食既熱食，上次去御滿屋略嫌牛舌切得唔夠厚，這裡切得剛剛好，黑椒加檸檬汁再加意外地嫩的牛舌，好正。