影片
更多
2022-12-06
51 浏览
難得平日放假, 去銅鑼灣shopping等埋家姐放工一齊食個dinner。就佢方便, 揀咗銅鑼灣地鐵一出對面嘅銅鑼灣地帶, 其中一間HeSheEat。呢度主要供應各式西餐, 小食、意粉、甜品、特飲, 款式多多。餐廳呈開放式格局, 坐近玻璃窗仲可以清楚睇到街上繁忙景色。我地點咗好幾款share食。牛油果奶昔 $46口感超綿密順滑, 有淡淡牛油果香氣, 微甜健康。黑松露雜菌春雞燴意大利飯 $98春雞外皮煎至微脆香口, 肉質鮮嫩, 帶豐富肉汁; 意大利飯雖不是傳統煙韌口感, 但依然做到粒粒分明, 而且每啖creamy濕潤, 黑松露味極濃郁, 夾集了蘑菇, 好味又飽肚。火辣墨魚汁意炒 扒虎蝦 $95可揀小辣或者走辣, 意粉口感有咬口, 唔會過腍, 軟硬適中, 每條意粉充滿着墨魚汁味道, 超香! 虎蝦爽口彈牙, 色香味俱全！黑松露薯條 $52薯條炸得香脆不油膩, 黑松露醬菌味香濃, 真係食到停唔到口。薯條波波配車打芝士汁，脆煙肉 $45面頭有少少炸過嘅煙肉碎, 波波原來係粒狀薯餅, 炸至金黄, 外脆內軟, 再配埋個車打芝士醬, YUMMY。宇治抹茶黑芝麻梳乎厘班㦸 $108梳乎厘口感綿密, 有空
難得平日放假, 去銅鑼灣shopping等埋家姐放工一齊食個dinner。就佢方便, 揀咗銅鑼灣地鐵一出對面嘅銅鑼灣地帶, 其中一間HeSheEat。呢度主要供應各式西餐, 小食、意粉、甜品、特飲, 款式多多。
餐廳呈開放式格局, 坐近玻璃窗仲可以清楚睇到街上繁忙景色。
我地點咗好幾款share食。
牛油果奶昔 $46
口感超綿密順滑, 有淡淡牛油果香氣, 微甜健康。
黑松露雜菌春雞燴意大利飯 $98
春雞外皮煎至微脆香口, 肉質鮮嫩, 帶豐富肉汁; 意大利飯雖不是傳統煙韌口感, 但依然做到粒粒分明, 而且每啖creamy濕潤, 黑松露味極濃郁, 夾集了蘑菇, 好味又飽肚。
火辣墨魚汁意炒 扒虎蝦 $95
可揀小辣或者走辣, 意粉口感有咬口, 唔會過腍, 軟硬適中, 每條意粉充滿着墨魚汁味道, 超香! 虎蝦爽口彈牙, 色香味俱全！
黑松露薯條 $52
薯條炸得香脆不油膩, 黑松露醬菌味香濃, 真係食到停唔到口。
薯條波波配車打芝士汁，脆煙肉 $45
面頭有少少炸過嘅煙肉碎, 波波原來係粒狀薯餅, 炸至金黄, 外脆內軟, 再配埋個車打芝士醬, YUMMY。
宇治抹茶黑芝麻梳乎厘班㦸 $108
梳乎厘口感綿密, 有空氣感之餘又唔會好似淨係食空氣, 有淡淡蛋香味, 抹茶醬同黑芝麻cream 質地幼滑, 而紅豆蓉嘅甜味中和左抹茶嘅苦澀味, 仲有小丸子同蕨餅咬落煙煙韌韌, 每一口都好滿足。
张贴
