金蛋爆漿玉子燒 (已結業)

玉子燒好多人都以為得日本先有，但其實都算得上係台灣名物。旺角街邊一個唔起眼既轉角位有一間由中台夫婦經營專賣玉子燒既檔位。金蛋爆漿玉子燒聽聞係傳統台灣夜市做法，勁鍾意玉子既我終於有機會試一試了！多達十款唔同口味既玉子燒，真係睇到眼花撩亂，想全部都試哂。而且口味都好特別，好有台灣風味。今日就點左龍蝦沙律睇下$30係唔係真係食到啖啖龍蝦肉先。小店一律都會用外賣膠盒，如果即食就會比枝叉你。即點即做，拎上手真係熱辣辣出哂煙架龍蝦沙律玉子燒$30一份其實都幾大份，夠厚身，望落去都幾多蝦肉。用量毫不客氣甜滋滋的美乃滋，龍蝦仔實實的肉，木魚加上海苔粉係一個唔錯既配搭。認真，龍蝦仔比想像中多，而且好有咬口但就無咩蝦味！！加分既係美乃滋無論配咩食材都好夾，所以搭救到。雞蛋好嫩滑，偏鬆。唔係日本玉子會全熟，好紮實，而且加左糖會甜甜的。台灣玉子會比較似炒滑蛋，比較食到雞蛋本身既味道，而且好易入口。食到一半發現原來有粟米粒，但得幾粒，所以真係食唔出。如果唔係睇到都唔知，如果粟米多少少會令口感更加分。價錢雖然有少少貴，但其實食哂一整份都有飽肚感，而且都幾有營養同健康，所以我都幾推薦大家可以支持下滿懷理想既店主