影片
系旺角同朋友睇完戏经过，朋友话呢间既龙虾同明太子玉子烧都好出名虽然一阵要番屋企食饭，但一场黎到又冇人排队，决定买一份黎试下龙虾沙拉＄30即叫即整，等左几分钟就到手啦！玉子烧热辣辣，上面既木鱼飞下飞下咁一打开已经闻到好香既沙律酱同蛋味！用叉一吉落去，就feel到玉子烧好结实蛋浆半流心玉子烧入口嫩滑，有蛋香龙虾肉唔少，弹牙有鲜味仲有木鱼、紫菜同粟米配上烧汁同沙律酱加上拉芝既视觉效果，性价比高唔好睇少佢细细份，都几饱肚架！
继续阅读
.龙虾沙拉玉子烧 ($30)食玉子烧最钟意食就系佢个酱呢个有沙律酱 紫菜碎 木鱼碎龙虾玉子烧真系有龙虾粒喺上面😍😍讲下个玉子 佢系即叫即煎嘅 所以够热 亦都几滑里面仲有粟米同芝士 少少拉丝架😋😋听讲佢系由台北饶河夜市进注黎香港 相当值得试！(扫街不妨自备餐盒啊🥡😀😀)
继续阅读
满满芝士拉丝卷蛋2018/06/30油麻地A出口行向旺角街尾，对著H&M嘅街道，集聚了不同的小食店及饮品店，在马路边的小店。可选择不同的配料在卷蛋上，我选择了培根玉米，但培根没想像中香脆，培根有啲似火腿，冇煎香到金黄色。卷蛋有让人起出望外，软绵绵像枕头一样的卷蛋，最难得系叉落去每一啖都有绵密嘅拉丝芝士，视觉效果非常好，芝士控一定唔会失望。沙拉酱份量刚好，配合玉米培根，一个卷蛋都足够饱肚，下次经过一定要再买黎食，非常值得推荐嘅街头小食，如果有埋坐位，我会带更多朋友去。
继续阅读
系Openrice见到呢个爆浆玉子烧好好食咁，是日经过一于去试吓！佢系隐藏喺威威小食中，唔多起眼，眼力少啲都揾佢唔到！对于明太子控嘅我，目标明确，第一次食梗系要试咗明太子爆浆玉子烧先啦。12款里便最贵就系呢个，价值＄32！钟意食辣嘅朋友仲可以同佢讲加辣，即系佢会预先帮你放七味粉喺里面。佢地系即叫即做，因为冇咩人等紧，所以好快就有得食喇！哗😍😍！！！！个样好靓好吸引！！切开第一旧拎起，啲芝士流晒出嚟同埋系可以拔丝嘅， 净系睇个样已经觉得好好食！因为啱啱整起所以里面好热，忍唔住要马上放一旧落口，超juicy超好味！个玉子烧整得好滑好滑，味道又啱啱好！里面仲有我钟意嘅粟米，但说好的明太子呢？ ！原来佢根本唔系明太子，只系飞鱼子😑不过都好食既。呢间爆浆玉子烧真系值得一试嘅！不过如果夏天嘅时候，条街又热人有多仲要企喺度等，等完又要企系人潮中度食都真系几辛苦。
继续阅读
继第二站之后，继续我们「扫街」嘅第三站，我们就拣咗旺角登打士街嘅「金蛋爆浆玉子烧」，因见到他们嘅招牌写著系台北饶河街夜市非常有名嘅小食店，所以我们就买咗嚟食！他们共有12款味道，有咸味或水果即甜味嘅选择，而我们就拣咗龙虾沙拉！由于系即叫即做，所以要等一等先有得食，等咗一阵终于有得食喇，热辣辣嘅玉子表面舖满晒木鱼干、紫菜碎、龙虾同粟米粒，切开一半软绵绵嘅玉子，就会见到入面有软滑嘅芝士同半流心嘅蛋浆，而且拉出嚟系有丝嘅效果，再配埋烧汁同沙律酱一齐食，真系好正呀！
继续阅读