影片
更多
2022-04-27
37 浏览
我地剛剛試到4月7至21既期間限定佐世保漢堡Sasebo Burger(聽聞呢期會有韓國泡菜！好想再去試呀！)講番今次 我地試左佐世保黃金豆腐漢堡同佐世保黃金炸魚漢堡 一個升級左套餐！佐世保黃金豆腐漢堡 ($45) ⭐️⭐️⭐️⭐️⭐️ 素食者既福音呀！係相當好食！用左海綿豆腐黎炸 唔會容易散開！少許煙韌！配上日式既燒烤醬即刻章魚燒既醬加埋蛋黃醬！明明無咩胃口既我都成個食哂！相信同佢入面有醃蘿蔔都可能有少少關事唯一麻麻既係佢有紫蘇葉 多數對紫蘇葉唔太喜歡既人 都會對佢既味道特別介意之係我🤣紫蘇葉對我黎講會係唯一呢個漢堡既缺點！但優點絕對比缺點多 要讚一讚佢地既醬汁分量 唔會多到成手都係但絕對夠 甚至可以幫手蓋過紫蘇葉少少既味道！佐世保黃金炸魚漢堡（$45）⭐️⭐️⭐️⭐️⭐️ 又一個出色之作 點解要係期間限定絕對唔係連鎖快餐點既魚柳但佢唔會炸到皮同肉分開 肉亦相當滑炸物既膩配番醃蘿蔔 又一個絕配！當然都同樣配有紫蘇葉 但炸魚柳既香 值得🤣魚柳夠大 差唔多啖啖都食到！同樣配日式燒汁同蛋黃醬 令炸物唔會感到太熱氣我地只升級左一個套餐 剛好期間限定既套餐會配日式風味醬薯條同柚子梳打!（+$35）平日既升級係+$
佐世保漢堡Sasebo Burger
(聽聞呢期會有韓國泡菜！好想再去試呀！)
講番今次 我地試左佐世保黃金豆腐漢堡同佐世保黃金炸魚漢堡 一個升級左套餐！
佐世保黃金豆腐漢堡 ($45) ⭐️⭐️⭐️⭐️⭐️
佐世保黃金豆腐漢堡
$45
77 浏览
0 赞好
0 留言
素食者既福音呀！係相當好食！
用左海綿豆腐黎炸 唔會容易散開！少許煙韌！
配上日式既燒烤醬即刻章魚燒既醬
加埋蛋黃醬！明明無咩胃口既我都成個食哂！
相信同佢入面有醃蘿蔔都可能有少少關事
唯一麻麻既係佢有紫蘇葉
多數對紫蘇葉唔太喜歡既人 都會對佢既味道特別介意
之係我🤣
紫蘇葉對我黎講會係唯一呢個漢堡既缺點！
但優點絕對比缺點多
要讚一讚佢地既醬汁分量 唔會多到成手都係
但絕對夠 甚至可以幫手蓋過紫蘇葉少少既味道！
佐世保黃金炸魚漢堡（$45）⭐️⭐️⭐️⭐️⭐️
佐世保黃金炸魚漢堡
$45
19 浏览
0 赞好
0 留言
又一個出色之作 點解要係期間限定
絕對唔係連鎖快餐點既魚柳
但佢唔會炸到皮同肉分開 肉亦相當滑
炸物既膩配番醃蘿蔔 又一個絕配！
當然都同樣配有紫蘇葉 但炸魚柳既香 值得🤣
魚柳夠大 差唔多啖啖都食到！
同樣配日式燒汁同蛋黃醬 令炸物唔會感到太熱氣
我地只升級左一個套餐 剛好期間限定既套餐會配日式風味醬薯條同柚子梳打!（+$35）
日式風味醬薯
43 浏览
0 赞好
0 留言
平日既升級係+$30 但係額外加多$5就又可以升級期間限定 所以我地都忍唔住喇！
薯條新鮮炸出 比連鎖快餐幼身 配上日式燒汁加蛋黃醬 大大升級！
而飲品 由於飲品機係放係廚房出面 可以再次refill 柚子就係加左韓國個種柚子醬係杯到 再比個杯我地去汽水機加梳打水 味道就唔太夠 但睇在可以添飲都算唔差 (雖然最後我地無添飲)🤣
整體對初次試呢間好多人讚既burger 印象相當好 雖然我地揀哂期間限定 大家可能短時間內未必食到同樣既食物 但係相信如果期間限定既質素都咁好 日常既都絕對唔會差！
究意下次再去試咩好！😏
18 浏览
0 赞好
0 留言
张贴
