Taku (已結業)

約咗老婆喺中環食晏，點知間間都滿，惟獨是呢間冇乜人幫趁。凡係冇乜人去嘅餐廳一定係做得唔慌好，只係差在衰成點。卜唔到位唯有焗住入去，點知真係奶野！一個加埋一成ＨＫＤ１８５嘅多渣牛扒餐就係咁樣：食咗兩片，片片都有筋，根本咬唔落，仲ngang到啲牙好痛！一啲都唔好味！為咗唔好浪費，焗住食完晒佢，成碟都係渣！！好難食！收得人咁嘅價錢竟然欺騙食客，畀埋啲下欄貨色，唔怪得知食咗成個鐘，間廳餐都坐唔滿啦！仲有就係明明間餐廳冇人去，啲侍應係都要迫我同老婆坐埋啲兩人細位，冇地方放袋要放地下。喂，呢家收我成ＨＫＤ３７０，仲要好似踎茶餐廳咁，我就算執到錢都唔會再去。仲有係佢啲寿司豉油竟然冇蓋冚住，如果有人打個乞嚏又或者講野有口水花彈咗落去，真係乜野味都有，一啲都唔衞生。唔應該叫ＴＡＫＵ，應該叫「卡。。。。吐！」（吐痰聲）。