賞島咖啡屋

营业中

休息中

由地鐵站行到小店只需幾分鐘，距離花墟不遠，位置方便，旺中帶靜。午餐選擇有8款，已包餐湯或沙律和飲品，價錢合理。仲可以加錢order小食和甜品，非常唔錯。是日餐湯： 南瓜湯咖啡燒汁烤豬仔髀見到豬仔髀，第一句心諗：點解燒燶哂㗎! 睇真啲，原來只係咖啡粉。豬仔髀肉質嫰滑，無多餘嘅油脂，外層帶點咖啡香，少少甘香，非常美味。蒜油蜆肉花椒意大利麵擺碟非常用心，好似花朵盛放嘅樣子。細少蜆肉，乾淨無沙。意大利麵有口感，唔會一pat pat. 花椒令意大利麵味道偏麻，食得好爽。追加了蜜糖芥末炸雞粒原以為追加小食，份量會只有2，3件，估唔到比我想像多。雞粒炸得乾身唔油膩，加埋芥末醬，相當唔錯。黑松露薯條粗身薯條，香脆可口，唔驚熱氣嘅話真係可以再點多一客。Honey yuzu with lemon(hot) & Passion fruit soda從賣相，味道都看得出小店用心製作每道菜式，非常欣賞。