霸嗎拉麵 (德己立街)

营业中

休息中

每次经过中环呢一间拉面店都好想入去试吓，𠮶日见到佢哋有款柠檬口味嘅拉面，吸引到我冲咗入去食。完全冇谂过呢一碗柠檬炙烧鸡叉烧拉面咁好食，柠檬嘅酸味依然保留，但系同拉面同埋叉烧好夹，成碗拉面都几开胃，但系亦都保留咗本身拉面嘅风味。叉烧好厚身同埋入味，亦都煮得好淋身。羽根烧饺子见到隔篱枱有人食紧饺子，所以自己都叫咗一碟嚟食，系我最钟意嘅日本饺子，食落去块饺子皮好薄，亦都锁住晒啲肉汁，食落唔会好Heavy。沙拉唐扬炸鸡炸鸡唔系每一间舖头都可以整得咁好食，呢间餐厅除咗份量多之外，每一嚿炸鸡嘅皮都炸得啱啱好，好脆但唔会好油。